Vice Perezida w’ishyirahamwe rya Volleyball mu Rwanda yabaye “igitambo”

Yanditswe na Nkurunziza Gad

Vice Perezida w’ishyirahamwe rya Volleyball mu Rwanda ‘FRVB’ Bagirishya Jean de Dieu, uzwi ku izina rya Jado Castar yakatiwe igifungo cy’imyaka ibiri nyuma yo guhamwa n’icyaha cyo gukoresha inyandiko mpimbano. Iki gihano bamwe bavuga ko atari we wari ugikwiye ahubwo yabaye igitambo.

Uyu mugabo mu buzima busanzwe ni umunyamakuru akaba afite n’imigabane muri Radio izwi cyane mu gutangaza inkuru za Sport yitwa B&B, yatawe muri yombi tariki 21/09/2021 ashinjwa icyaha cyo gukoresha inyandiko mpimbano.

Umwanzuro w’Urukiko rwa Gasabo wasomye uyu munsi, ugaragaza ko Bagirishya Jean de Dieu yemeye icyaha cyo gukoresha inyandiko mpimbano ndetse akabisabira imbabazi. Ibi bikaba byanatumye yoroherezwa igihano, akatirwa igifungo cy’imyaka ibiri, ariko akaba afite uburenganzi bwo kujuririra.

Izi nyandiko mpimbano Bagirishya yazikoresheje iki?

Izo nyandiko ngo ni izifashishijwe maze ikipe y’u Rwanda ya volleyball y’abagore, ikinisha mu buryo bunyuranyije n’amategeko abakinnyi bane aribo Aline Siqueira, Apolinario Caroline Taiana, Mariana Da Silva na Moreira Bianca Gomes bakomoka muri Brésil mu irushanwa rya Afrika rya Volleyball riherutse kubera mu Rwanda hagati ya tariki ya 10 n’iya 20 Nzeri 2021.

Tariki 16 /09/ 2021 mbere y’umukino wagombaga guhuza u Rwanda na Sénégal nibwo byatahuwe ko abo bakinnyi batujuje ibisabwa maze ishyirahamwe ry’umukino wa Volleyball muri Africa rihagarika ikipe y’u Rwanda yari igeze muri ½ muri aya marushanwa.

Nyuma yo kuvanwa mu irushanwa, u Rwanda rwabaye nk’urukubiswe n’inkuba, abatari bacye basaba ko uwabigize uruhare mu makosa yakozwe wese yabiryozwa.

Bagirishya yabaye igitambo

Umwe mu baduhaye amakuru utifuje ko amazina ye atangazwa, yagaragaje ko Bagirishya yabaye igitambo muri iki kibazo.

Yagize ati “Vice president w’ishyirahamwe se afata ikihe cyemezo? Nibyo koko niwe wagiye kunegusiya (négocier) bariya bakobwa afatanyije n’umutoza, ariko se niwe wabahaye passport? Urwego rushinzwe abinjira n’abasohoka rutanga passport rukemerera umuntu kwinjira mu gihugu akajya mu kazi rutabanje kureba ko yujuje ibisabwa n’urwego aje gukoreramo? Hanyuma se Minisiteri ya Sport yo bite? Ko bafite department ishinzwe kugenzura ibyangombwa by’abakinnyi b’abanyamahanga yakoze iki? Icyo navuga ni uko uriya mugabo abaye igitambo.”

Arakomeza ati “iriya ni ‘affaire’ irenze urwego rwa Bagirishya ntihazagire ukubeshya, ahubwo abakagombye kubizira bose barigaramiye. Bigomba kubazwa Ngarambe Raphael perezida wa FRVB kuko ni nawe wateye ubwoba umutoza wa Sénégal n’uwa Kenya bamaze gutanga amakuru.”

Undi waduhaye amakuru yagize ati “Umuyobozi wa FRVB Me Ngarambe Raphaël, tariki 20/9/2021 yahamagajwe na RIB, arabazwa barangije baramureka arataha. Icyo nzi neza ni uko amanyaga yose yakozwe kuri bariya bakinnyi abayobozi b’urwego rushinzwe abinjira n’abasohoka, abashinzwe iperereza yewe kugera kuri Perezida Kagame bari bayazi biriya byo gufunga Bagirishya ni mu rwego rwo kwikura mu isoni.”

Amakuru yandi twamenye avuga ko umunya-Brazil Paulo De Tarso Milagres utoza ikipe zombi (iy’abagore n’iy’abagabo) z’u Rwanda za Volleyball, ari we wahawe ikiraka na Perezida Kagame cyo kuzana abakinnyi bashoboye, ubwo u Rwanda rwari rumaze kumenyeshwa ko ruzakira urushanwa rya Afrika rya Volleyball.

1 COMMENT

  1. “Vice Perezida w’ishyirahamwe rya Volleyball mu Rwanda ‘FRVB’ Bagirishya Jean de Dieu, uzwi ku izina rya Jado Castar yakatiwe igifungo cy’imyaka ibiri nyuma yo guhamwa n’icyaha cyo gukoresha inyandiko mpimbano. Iki gihano bamwe bavuga ko atari we wari ugikwiye ahubwo yabaye igitambo.”

    Les auteurs des méfaits imputés à Bagirishya Jean de Dieu sont : Kagame dit Président du Rwanda, le Ministre de la Justice et le ministre de l’intérieur car ils ont signé les actes de naturalisation des Brésiliennes, le tout au mépris total des lois rwandaises en vigueur au premier rang la constitution rwandaise de 2003 révisée en 2015.
    Ce sont eux qui doivent répondre de leurs méfaits devant les juges du régime Kagame car sans les naturalisations de complaisance et illégales, il n’y aurait pas eu d’infraction pénale reprochée au vice-président du club de Volley Ball au Rwanda.
    Il est regrettable que son avocat n’ait pas exigé expressément la comparution immédiate de Kagame et ses deux obligés devant le tribunal d’une part et les naturalisations des Brésiliennes d’autre part.
    Le cas de Bagirishya Jean de Dieu est la parfaite illustration d’existence d’un régime de terreur contre les Rwandais et des escadrons de la mort au premier rang le RIB.
    A l’actif du RIB il y a plusieurs cadavres et de disparus Rwandais. Les crimes qui ont été commis depuis plusieurs années relèvent de la compétence de la Cour Pénale Internationale.
    A ce jour, les représentants de ces associations parlent mais n’agissent pas. Plus d’actions et moins verbes ce sera mieux. Plus ils parlent, plus ils seront écoutés et soutenus. Et plus les chefs des escadrons de la mort réfléchiront mille fois avant d’agir dans l’attente de leur renvoi devant la CPI
    Les plaintes qui ont été déposées devant les tribunaux français par certaines associations de défense des droits de l’homme depuis plusieurs années sont toujours dans les cartons des juges français.
    Par contre, ils ont livré aux chiens des Rwandais listés par Kagame. Une audience de jugement des intéressés qui n’est qu’un spectacle pathétique au cours de laquelle les faux témoins recrutés et formés dans l’Ecole de fabrications et de formation d’experts en faux témoignages est organisée soit en l’absence des accusés, soit en leur présence.
    Pour stopper Murangira, chef de ces escadrons de la mort, le monde entier doit être informé de ce qu’est le RIB.
    Pour ce faire, il faut urgemment publier sur la toile les noms et photos ( si possibles) des victimes , préciser les dates de kidnapping, d’arrestation et de mise à mort et de disparition des intéressés dans un premier temps puis étudier les voies et moyens aux fins de saisine de la CP.
    Les associations des Rwandais opérant à l’extérieur peuvent saisir la CPI et en informer le Comité de l’ONU contre la torture et autres actes dégradants.

LEAVE A REPLY

This site uses Akismet to reduce spam. Learn how your comment data is processed.