ABACU BATUWE IBITAMBO KWA SHITANI NATWE TUREMERA NGO TURAHIMA ABAHUTU

Bavandimwe mwiyita abatutsi tutarebye aho mwaturutse haba mbere cyangwa nyuma y’amahano yagwiriye u Rwanda,

Ko mperuka muri mwe harimo abakuru ngaheruka muri mwe harimo abasenga Imana Rurema yayindi mwigishijwe na Yesu/ Yezu abandi na mwe mukayigishwa na Muhamad SAW, mwansobanurira aho mwakuye ikigisho cyo gushyingura imusozi?

Njye uko nabyigishijwe muma somo ya Kiriziya gatorika ubwo nigaga mu mushuri abanza kukigo cy’ababikira bitaga kuri EPA (Ecole Primaire d’Aplication) nyuma nkayasozereza Kuri Nyamirambo Catholique ariho ku kivugiza batwigishaga ko Imana yaremye umuntu mu gitaka kandi ko azasubira mu gitaka.

No mu kwemera kwanjye kwa Kiislam ni ko mpora mbyigishwa ko Imana yadukuye mu gitaka kandi tugomba gusubira mugitaka.

Buri gihe iyo nibutse ko twe abagize amahirwe yo kurokoka duhora duhatana ngo twishakira amacumbi bituma ntekereza ko twataye umurongo mugihe tutarabonera abacu igicumbi ngo bashyike ku musozo w’urugendo rwabo agahinda kakanyegeka kuko ijwi ryanjye rihera mubutayu kubera gucurangira abahetsi.

Muvandimwe witwa ko wacitse ku icumu wambwiza ukuri ko iyo utekereje biriya bisigazwa by’abawe byanamye kugisozi uryama ugasinzira? None se wumva ko uturapfarapfa bagushukisha turuta abawe kava aribyo bituma wituramira ntubatabarize ngo bashyirwe aho Imana yagennye?

Ese ujya wibaza ko Kagame kububakira hariya yarangiza akabaturanya n’isoko ryo mugakinjiro mu rusaku rw’amamashini y’ubwoko bwose ari icyubahiro yabahaye? Cyangwa ni uko yasanze nabo ari ibicuruzwa bigomba kwegera ibindi bicuruzwa muri TRADE CENTER? (mu isoko)

Ese bibaye ari icyubahiro kuki atahazanye se umubyara RUTAGAMBWA ngo ajye avuga ko yari yarashyinguwe imahanga kubera kutagira igihugu none ubwo yakibonye agomba gusanga abandi banyacyubahiro bakabyiganira Kuri comptoire d’exposition bityo idevize rikarushaho kwinjira?

Mu muco wacu wa kinyarwanda iyo umuntu atabarutse baravuga ngo Imana imwakire kandi imuhe iruhuko ridashira.

Aha rero nkaba nibaza nti, none se Imana izamwakira ite atanyujijwe munzira yo mugitaka kugirango ayigereho?

Azabona iruhuko ridashira ate se aturanye n’isoko rya gakinjiro nako ubu ngo yabaye GAKIRIRO da! isi yose iza kumushungera buri mwaka kugira ngo abakozi ba Shitani bamuhinduye igicuruzwa babone amaramuko?

Umubyeyi nawe iyo afite agahinda aravuga ati aka gahinda mfite sinzi ko kazatuma ngera ikuzimu (mu mva) ngo nduhuke bisobanura ko iyo umuntu atabarutse kumpamvi izo arizo zose mu kamubuza kugera i kuzimu (mu mva) muba mwamugize ingwate cyangwa imfungwa kunyungu zanyu bwite nk’uko mwabigenje kugisozi.

Bavandimwe dusangiye gakondo , Kwibuka abacu ni ngombwa ariko kandi uburyo bwiza bwo kubibuka si ukubatesha agaciro tubongerera agahinda k’uko twabatuye Shitani kandi tuzi neza ko bo bemeraga umuremyi wa twese.

Dushobora kubibuka twandika ibitabo,dukina amafirimi, duhimba imivugo n’indirimbo n’ibindi ariko tutabatesheje agaciro bigeze hariya.

Nshuti bavandimwe nimuhumuke mukanguke mumenye ko kwanika amagufa y’abacu ari Kagame wenyine bifitiye akamaro kuko abikangisha abahutu kugirango abahahamure babure ijambo maze n’abavutse ejo biyumvemo icyaha batazi uwagiteje bityo akomeze yiyambarire ikamba ry’ubwidishyi.

Ni kangahe kagame atababwiye ko Iman atayizi kandi ko atigeze ayisaba ngo abe perezida? Ibyo ntibihagije kugirango mwumve ko imigenzo ye ayikomora kwa shitani?

Nk’uko nabyigishijwe mu idini nsengeramo ya Islam, umwami wa Misiri RAMSES II uzwi ku izina rya FARAON ni we wenyine Imana yaciriyeho iteka kubera kunangira kwe ahakana Imana ahubwo akaba ariwe wiyita Imana mu kigwi cyayo ni uko Imana Nsenga kandi nawe mugenzi wanjye usenga ku bw’uburakari Uwiteka yatewe n’iyo myifatire idahwitse Imuciraho iteka ivuga ko izamwanika kugasozi akazashungerwa n’isi yose nk’igihano ntangarugero.

Nyuma haje kwaduka abahinyuzi dore ko batabura baturutse i bwotamasimbi baragiye batora wa murambo bacukura urwobo rurerure cyane ngo bahinyuze Imana ni uko bajugunya mo wa murambo wa FARAON barenza igitaka gihagije hejuru yawo maze barawurarira bucyeye wa murambo bawusanga hejuru kandi imva itacukutse ni uko bamenya ko Imana itica isezerano niko kumushyira ahantu azajya ashungerwa nk’uko Uwiteka yabitegetse.

None se muvandimwe wanjye, wambwira icyo ziriya nzirakarengane zakoshereje uwiteka kugirango muzikanire nk’urwa FARAON?

Bavandimwe mufite abanyu kugisozi ndagirango nsoze mbisabira ko uzasoma iyi nyandiko akumva ntashingiro ifite yazandika itangazo cyangwa isezerano (testament) asaba ko nawe yazashyingurwa imusozi nemere ko nibeshya.

K’ubw’umwihariko ndasaba abasheikh,abapadiri n’abapasitoro kuzasobanurira abayoboke babo icyo biriya bisobanura.

Mugire amahoro

AKISHULI ABDALLAH