Saa moya n’iminota 15 zo muri iki gitondo cyo ku wa kane tariki ya 30 Kamena 2016, impanuka ikomeye yabereye i Nyamirambo mu karere ka Nyarugenge, ihitana abantu bane abandi 9 barakomereka bikabije.
Umuvugizi w’ishami rya Polisi rishinzwe umutekano wo mu muhanda, SP Jean Marie Vianney Ndushabandi, yavuze ko iyo mpanuka yatewe n’umuvuduko ukabije.
Iyo mpanuka yabereye mu Mudugudu wa Rwintare, Akagali ka Gasharu mu Murenge wa Nyamirambo, iyo modoka ikaba ifite pulake RAB 251 G.
