Oslo: abaciye ifoto ya Ingabire bakanatwara iya Major Munyaruguru bashobora gukurikiranwa mu butabera!

Amakuru agera kuri The Rwandan ava i Oslo mu murwa mukuru wa Norvège aravuga ko ubu hashobora kuba igikorwa cy’ubutabera mu gukurikira abakoze igikorwa cy’urugomo cyo guca ifoto ya Madame Victoire Ingabire no gutwara iya Major Emmanuel Munyaruguru.

Icyakojeje agati mu ntozi n’uko bamwe mu baturage ba Norvège barimo abasangiye inshyaka ndetse n’inshuti za Major Ir Emmanuel Munyaruguru batangiye kohereza ubutumwa bwinshi kuri Polisi ya Norvège bibaza impamvu Polisi ntacyo yakoze ndetse bamwe bibaza niba gutwara ifoto ya Major Munyaruguru ntaho byaba bihuriye n’ishimutwa rye.

Abashyitsi bari umwe na Kagame bamweretse abbamwamagana ntawamenya ibyo yabasubije
Abashyitsi bari kumwe na Kagame bamweretse abamwamagana ntawamenya ibyo yabasubije

Nabibutsa ko ku itariki ya 6 Nyakanga 2015 mu mujyi wa Oslo muri Norvège imbere ya Hotel Radisson Plaza Blu abanyarwanda batuye muri Norvège bakoze imyigaragambyo yo kwamagana Perezida Kagame wari waje mu nama yiga ku bijyanye n’Uburezi. Muri iyo myigaragambyo nibwo umwe mu bari baherekeje Perezida Kagame yatwaye ifoto ya Major Munyaruguru akanaca iya Madame Victoire Ingabire.

Kagame yari yifitiye ibindi yitekerereza bitari inama yarimo
Kagame yari yifitiye ibindi yitekerereza bitari inama yarimo

Iki gikorwa cyagize ingaruka zikomeye ku bijyanye n’umutekano kuko ku munsi ukurikiyeho tariki ya  7 Nyakanga 2015 mu myigaragambyo yakozwe na none polisi yari yakajije umutekano ku buryo bukomeye ndetse bamwe mu bigaragambyaga baraherekejwe kugera mu ngo zabo na polisi yambaye gisivire.

N’ubwo Perezida Kagame yaje muri Norvège yabigize ibanga rikomeye bisa nk’aho yari yaje kurangiza umuhango gusa kuko muri iyo nama yitwa ko yamuzanye mu by’ukuri ntabwo yayikurikiye kuko iyo yabaga adasinziriye yabaga yitekerereza ibindi, ibitekerezo bye biri ahandi hatari mu cyumba cy’inama.

Igitangaje muri iyi myigaragambyo yabereye Oslo n’uko n’ubwo urugendo rwa Perezida Kagame rwari rwagizwe ibanga rikomeye amakuru ajyanye n’uru rugendo The Rwandan yabonye amakuru yizewe ko yahawe abarwanya ubutegetsi bwa Perezida Kagame n’umwe mu bakozi ba Ambassade y’u Rwanda muri kimwe mu bihugu by’i Burayi tutavuga izina kubera umutekano we.

Mu gihe Perezida Kagame yari i Oslo yabonanye na bamwe mu banyarwanda bamushyigikiye bari batoranijwe igitangaje n’uko n’ubwo bose bafite ubwenegihugu bwa Norvège ubu abenshi binjiye muri iki gihugu nk’impunzi kandi bavuga ko bahunze ubutegetsi bwa Perezida Kagame batinya kwicwa!

From left (The ladies): Winnifrida, sharazi, na Veronika From left (standing): Mme Ambassador Venetia Sebudandi , Fidele Sugira, Niyoyita Anastase, Eugene Rutaganda, Peter Mugisha, Emile Rutaganira, Laurent and finally Sean Nshuti
Winnifrida Ngamije (wahunze avuga ko umugabo we w’umuEx-FAR yishwe na FPR) , Murebwayire sharazi, na Veronika (umugabo we yari akomeye ku butegetsi bwa Perezida Habyalimana nawe ngo yahunze FPR) Ambassador Venetia Sebudandi , Fidele Sugira (yamaze abaturage mu karere k’Amayaga ya Butare, akora akazi ko kuzana abantu i Burayi abatamwishyuye ayo ashaka akabakangisha kubarega muri polisi), Niyoyita Anastase (nawe yavuze ko yahunze FPR), Eugene Rutaganda, Peter Mugisha (yahoze ari umusirikare wa FPR), Emile Rutaganira (yahoze ari umusirikare wa FPR  muri 7 Mobile ya Col Bagire yagize uruhare mu kwica abantu benshi), Laurent Sinamenye na Sean Nshuti

 

The Rwandan

Email: [email protected]

RELATED ARTICLESMORE FROM AUTHOR