Mu kiganiro cy’imvo n’imvano cyo ku wa gatandatu tariki ya 18 Gicurasi 2013, umunyamakuru Ally Yusufu Mugenzi yatumiye abaministre ba Leta y’u Rwanda aribo Serafina Mukantabana wo gucyura impunzi na Claver Gatete ushinzwe ubukungu n’imali, nabibutsa ko abo ba nyakubahwa bari i London bitabiriye ikiswe Rwanda Day abenshi babona nka Kagame Day!
Muri icyo kiganiro ababajije ibibazo bibarije Ministre Mukantabana, naho Ministre Gatete we baramwihoreye neza neza.
Madame Mukantabana abize mu ishuri rya Lycée de Kigali mbere ya 1994 bitaga Nyiramaritete, ntako atagize ngo asigasire umugati we n’imbehe ye ngo itubama aho yatatse ndetse agakora uko ashoboye agapfobya mu buryo bwose amabi yakozwe na Shebuja na FPR ye.
Ariko mu gusoza yigererayije n’uruvu aho avuga ko rufata ibara ry’aho rugeze, ntawamenya niba shebuja Kagame narunduka azafata ibara cyangwa azavuga ibizaba bigezweho icyo gihe?
Umugabo twari twicaranye nyamara w’umututsi yahise avuga nka ya ndirimbo ya Bikindi ati:“abahutu nka Mukantabana ndabanga kandi niba mbanga ndamaze! Ese ubundi umuntu udashobora kugira icyo amarira bene wabo b’abahutu, abatutsi bo yabamarira iki uretse inda nini?”
Mushobora kumva icyo kiganiro cy’imvo n’imvano hano>>
Aho Nyakwigendera Sipiriyani Rugamba ntiyavugaga abantu nka ba Mukantabana?:
Inda nini tuyime amayira
Ubwanditsi
,,,,Birababaje koko abavuze ngo iyo bijya gucika abagore bajya imbere,,,uyu we si umupfu ni umushinyaguzi,,,ngo abahutu bapfuye ngo bashyire muri tiriwari z’utubati,,,erega maye aba apfobeje kwibuka….ngo abapfuye ngo bibukirwa m misa zisomwa…yewe uyu mukristukazi Imana imugenderere kuko igifu cye ashoreye n’icyo cyabaye isoko y’ibyo yavu…gusa yerekanye ubuswa no ghakirizwa…ibyo yavuze gusa byujujwe no kutubwira ngo we ni Urwumvu kuko afata la couleur locale…ni ukuvuga aho asanze bicika aratatumura yasanga bbatuje nabyo nuko…aha gusa yerekanyae ko ntaho tuva nta n’aho tugana.
Dore na murumuna wa Musonera Jonathan yamwihakanye izuba riva. Imashini yazirutishije mwene nyina bonse rimwe. Bikindi iyo batamucira mu cyumba, aba yongeye kudukorera mu nganzo, agatangira wenda agira ati” Njyewe nanga ………..”.
Buriya rero Madame Ministre “incarne” INGENGA y’Umwmimere yica rwose! Ngirango Ministri Mugenzi we yakozwe n’isoni z’agahomamunwa. Aravuga “Abatutsi” ukumva niwe “wabakoreye Jenoside”. Abari bafite bene iriya mvugo nibo bigizwagayo guhera ku wa 4 Nyakanga 1994. Cyakora ni ukumuhemukira kumugira Ministri akiri “Akabaye icwende”. Ni ubwo katoga ariko iyo adahunga,kari kwogerezwa i maburuso nk’imyaka 10 nyuma yashaka akabona guhunga cyangwa akabona kurindagilira ino aha nk’abandi bose.
Mukantabana waretse kurindagiza abntu;akakanya wibagiwe amagambo ko mutahemukira ingoma ya Habyarimana yabakamiye nambere yuko utahuka wowe nuwawe mwaravugaga ko mutaba bampemuke nda muke.Akumiro ni inda naho amavunja arahandurwa.Ariko nim
ngombwa kuvugira KAGOME umukati se wawutapfuna ute?Ugejeje naho guhakana ibyo we yivugiye nanubu tubyumva kuri internet.Uzicare iwawe wumve amagambo ye yuzuye umujinya.Wagize amahirwe urahunga,ubu ahawe nabawe habaharameze utwatsi.Kugukoresha rero ntugire ngo ayobewe uwo uriwe.Komereza aho ntucike intege