Amakuru agera kuri The Rwandan aravuga ko ubu harimo gutegurwa mu ibanga rikomeye umunsi wo kwamamaza Perezida Kagame i Atlanta muri Leta zunze ubumwe z’Amerika.
Nk’uko ubutumwa bwa Email bwashyizwe ku rubuga rw’intore n’uwitwa Aimable Bayingana The Rwandan yashoboye kubonera kopi rubivuga ngo abitwa Intore za USA biteguye kwakira izindi ntore zivuye imihanda yose zirangajwe imbere ngo n’“Intore Nkuru” Perezida Kagame ku wa 20 Nzeli 2014!
Dore ubwo butumwa hano hasi:
To: [email protected]; [email protected]
From: [email protected]
Date: Fri, 22 Aug 2014 13:04:02 +0200
Subject: [diasporarwanda] Rwanda Day Atlanta
Ntore z’iwacu aho muri hose,Rwanda Day yongeye yaje! Turongeye turahuye tuvuye imihanda yose y’isi turangajwe imbere n’Intore Nkuru Perezida wacu Nyakubahwa Paul Kagame.Abo muri Canada, abo mu Bulayi, Intore zo muri USA ngo zashashe bugari ziteguye kutwakirira Atlanta muri Rwanda Day kuwa 20 September 2014. Abo mu Rwanda nabo ngo ntibazahatangwa biteguye kuza ari benshi mufatanye gucinya akadiho twishimira ibyo twagezeho n’uko igihugu cyacu cyongeye kuba ingobyi ya twese.
Nababwira iki rero n’abo mu bindi bice ntavuze ntibahejwe mwitegure Rwanda Day yaje! Ntihazagire ucikanwa n’ibi birori by’akataraboneka.
Aimable Bayingana
Sent from my iPad
__._,_.___
Envoyé par : Aimable Bayingana <[email protected]>
